Gazetari dhe profesori i njohur gjilanas, Enver Sadiku, ka mbrojtur temën e doktoratës në fushën e Historisë në Universitetin shtetëror të Shkupit.
Enver Sadiku është i lindur në vitin 1968 në fshatin Llovcë, komuna e Gjilanit. Shkollimin fillor dhe atë të mesëm e ka kryer në Gjilan, kurse studimet për Gjuhë dhe Letërsi Frënge i ka përfunduar në Universitetin e Prishtinës.
Studimet e magjistraturës i ka përfunduar në Fakultetin Filozofik të Universitetit Shtetëror të Tetovës, dega Histori e Kohës së Re në temën “Rezistenca në Anamoravë gjatë viteve 1912 -1913”.
Që nga viti 1994 punoi në Gjimnazin “Zenel Hajdini” në Gjilan, në vendin e punës, profesor i Gjuhës Latine dhe asaj Frënge e më pas edhe në Gjimnazin Natyror “Xhavit Ahmeti”. Që nga nga viti 1999 ishte edhe korrespondent i Gazetës ditore “Zëri” deri në vitin 2016 kur themelon gazetën online kryelajmi.com. Gjatë periudhës 1999 – 2000, për disa muaj ka punuar përkthyes nga gjuha frënge në Organizatën Ndërkombëtare për Migrim IOM, kurse ishte anëtar i grupit komunal për hartimin e monografisë së qytetit “Gjilani ndër shekuj”, i zgjedhur nga Asambleja Komunale e Gjilanit. Ishte edhe e pjesëmarrës i aftësimit profesional në Colmar të Francës, të mbajtur në janar – shkurt 2000, sikurse edhe pjesëmarrës në Kongresin e Pushteteve Lokale të mbajtur në Këshillin e Evropës në Strasburg gjatë muajve shkurt – mars të vitit 2004. Gjithashtu ishte pjesëmarrës i shumë trajnimeve dhe aftësimeve profesionale. “Gjilani me rrethinë gjatë viteve 1912 – 1913” është libri i tij i parë.
Enver Sadiku në vitin 2016 ka regjistraur studimet e doktoratës në Univerzitetin “Shën Kirili dhe Metodi” në Shkup dhe pas katër vitesh hulumtimesh në shtypin francezë të viteve 1912 deri më 1919 dhe veprave të udhëpërshkruesëve francezë të kësaj periudhe ka realizuar temën e doktoratës, të cilën e ka mbrojtur para komisionit pesëanëtarësh.
Sadiku që njihet si gazetar i vyeshëm dhe i shumë artikujve e çmimeve për punën , ai është edhe autor i shumë punimeve shkencore.
