Parlamenti gjerman nuk do të zgjasë “situatën epidemike të shtrirjes kombëtare” kur të skadojë afati i masave- muajin e ardhshëm, por do të mbajë në fuqi disa rregulla për të kontrolluar përhapjen e koronavirusit, thanë ligjvënësit të mërkurën.
Anëtarët kryesorë të parlamentit të vendit, ose Bundestagut, thanë se megjithëse infeksionet e koronavirusit janë rritur sërish kohët e fundit, ata nuk e shohin nevojën për të zgjatur “situatën epidemike” që u shpall për herë të parë në mars 2020 dhe që është zgjatur vazhdimisht që atëherë, shkruan MedicalxPress përcjell Gazeta Shneta.
Ata thanë se situata kishte ndryshuar rrënjësisht për faktin se rreth dy të tretat e popullsisë ishin vaksinuar kundër virusit.
Deklarata e situatës së emergjencës shëndetësore u kishte mundësuar qeverive federale dhe shtetërore të urdhëronin masat kryesore të koronavirusit pa miratimin e parlamenteve kombëtare dhe rajonale.
“Nuk do të ketë më mbyllje shkollash, bllokime apo shtetrrethime”, tha Dirk Wiese, nënkryetari i grupit parlamentar të socialdemokratëve të qendrës së majtë. Ai shtoi se pandemia ende duhet të trajtohet me përgjegjësi, por se kufizimet mbi të drejtat civile duhet të lehtësohen përsëri.
Pavarësisht skadimit të 25 nëntorit të “situatës epidemike”, disa masa si mbajtja e detyrueshme e maskës në hapësira publike, kufizimet për hyrjen në vende të caktuara vetëm për ata që janë vaksinuar ose mbështetja financiare për punëtorët që janë goditur rëndë nga pandemia do të qëndrojnë në vend deri në muajin mars.
Anëtarët e tre partive që shpresojnë të formojnë qeverinë e re të Gjermanisë, njoftuan përmes gazetarëve në Berlin, raportin e ri drejtues të vendit mbi pandeminë.
Të mërkurën, agjencia e kontrollit të sëmundjeve të vendit raportoi 23.212 raste të reja me virus, nga 17.015 raste një javë më parë. Më shumë se 4.5 milionë njerëz janë regjistruar si të infektuar me virusin që nga fillimi i pandemisë në Gjermani dhe 95.359 njerëz kanë vdekur nga infeksioni. /Gazeta Shneta/
