Flamurtari ka arritur të marr një fitore të madhe në udhëtim te Gjilani me rezultat 1-0 në ndeshjen e vlefshme për javën e 30-të në Ipko Superligën e Kosovës në futboll.
Kur Gjilani dominonte me posedim dhe raste, Flamurtari shfrytëzoi për mrekulli një kundërsulm të shpejt dhe në minutën e 62-të i befasoi duke shënuar me anë të Shend Kelmendit për 1-0.
Deri në fund të ndeshjes, Gjilani provoi edhe disa herë të gjej golin e barazimit, por pa pasur sukses dhe fitorja shkoi për ekipin kryeqytetas.
Pas kësaj fitore, Flamurtari e sheh veten në pozitën e shtatë me 38 pikë, ndërsa Gjilani në vendin e dhjetë me 35 pikë.
Në ndeshjen e radhës, Gjilani udhëton te Ballkani.
