Rreth 250 operacione që kanë qenë të planifikuara të kryhen këto dhjetë ditë kanë dështuar të realizohen në Klinikën Abdominale në Qendrën Klinike Universitare të Kosovës.
Gjendje e njëjtë është edhe në klinikat e tjera. Kjo për shkak të grevës së kirurgëve, e cila ka hyrë në ditën e 11 dhe pritet të vazhdojë për kohë të pacaktuar, shkruan sot Koha Ditore.
Arbër Morina nga kolegjiumi i kirurgëve në një prononcim për gazetën ka thënë se kirurgët do ta vazhdojnë rutinën e njëjtë të grevës, derisa Qeveria ta kuptojë që vendimi i tyre është i prerë.
Operacionet selektive janë të ndërprera, ndërsa në të gjitha rastet jetëkërcënuese për pacientët do të intervenohet”, ka thënë Morina.
Sipas tij, ngarkesa në QKUK është e jashtëzakonshme dhe se kjo situatë në të cilën gjenden është për të ardhur keq.
