Grupi parlamentar i Lëvizjes VETËVENDOSJE! inicioi dy projektligje në Kuvendin e Kosovës
Këtë javë Grupi Parlamentar i Lëvizjes VETËVENDOSJE! procedoi në Kuvendin e Republikës së Kosovës Projektligjin për shqyrtimin dhe vërtetimin e pasurisë së pajustifikueshme, i njohur si Ligji Antimafia dhe Projektligjin për Peticione.
Aktualisht të dy këto projektligje janë në fazën e përgatitjes së deklaratës financiare dhe atë për përputhshmërinë me legjislacionin e Bashkimit Evropian të cilat përgatiten nga administrate e Kuvendit.
Këto nisma legjislative synojnë së pari luftimin efektiv të krimit të organizuar, dhe ai për Peticione zgjerimin e të drejtës së qytetarëve për të marrë pjesë aktivisht në vendimmarrje duke zvogëluar arbitraritetin e vendimeve të pakonsultuara apo të shqetësimeve të cilat nuk merren parasysh nga pushteti ekzekutiv dhe ai legjislativ.
Për të dyja këto projektligji Lëvizja VETËVNEDOSJE! ka punuar me grupe të gjera profesionistësh si dhe ka organizuar aktiviteteve nëpërmjet të cilave ka konsultuar qendrimet edhe të organizuatave, profesorëve dhe grupeve të qytetarëve.
