Kryeministri i Shqipërisë, Edi Rama e ka nisur ditën me lajmin e mirë se sot hapet aksi Thumanë-Kashar.
Ai ka ndarë pamje nga rruga e përfunduar teksa shkruan se ky aks u shërben të gjithëve dhe zhvillimit të mëtejshëm të turizmit. Aksi Thumanë-Kashar do të jetë i aksesueshën për të gjithë prej ditës së sotëm në orën 19:00.
“MIRËMËNGJES dhe me këtë fluturim mbi Thumanë-Kashar për të shijuar atë që është ndërtuar në tokë, një aks rrugor që na shërben të gjithëve dhe zhvillimit të mëtejshëm të turizmit duke qenë i aksesueshëm për të gjithë nga sot prej orës 19:00, ju uroj të diel të mbarë”, shkruan Rama në postimin e tij.
Thumanë-Kashar është i aks i kategorisë A, ku shpejtësia e lëvizjes do të jetë 130 km/h, duke ofruar gjithashtu kushte të larta sigurie. Hapja e këtij aksi për qarkullimin e automjeteve do të lehtësojë ndjeshëm fluksin e trafikut.
Për të vizituar Durrësin e Tiranën tani e tutje duhet të paguash taksë rrugore 5+2.10=7.10 €uro.
