Kryetari i AAK-së, Ramush Haradinaj ka shkruar se kryeministri Albin Kurti është shndërruar në zullumqar.
Haradinaj ka shkruar se rikthimi me urgjencë i temës së Asociacionit është pasojë e pozicionimit të gabueshëm të tij.
Sipas Haradinajt, qasja e gabueshme e Kurtit ka bërë që ndërkombëtarët ta shohin më me simpati Serbinë se Kosovën.
“Ai me para të taksapaguesve shkon në Forumin Ekonomik Botëror të Davosit, gjoja për të folur për investimet e huaja në Kosovë, madje organizon edhe një Samit të Investitorëve në Cyrih, ndërsa paratë e buxhetit i ka mbyllur në bunker dhe ekonominë e ka llom. Kjo më e pakta është hipokrizi. Ai jo vetëm që parat e buxhetit nuk i kthen tek qytetari, por atyre iu ka pamundësuar që në këtë kohë të rëndë ekonomike e sociale, ta marrin një pjesë nga paratë e kursyera të Trustit, që janë të tyre”, ka shkruar ai.
