Ish-kryetari i Gjilanit, Lutfi Haziri, ka vazhduar takimet me strukturat e partisë në lagje dhe në fshatra shkruan Radio Star.
Haziri ka thënë se kjo qeverisje gjilanasve po ua humb projektet e mira e të duhura për qytetin dhe fshatrat.
Shkrimi i plotë:
Edhe ky vit do të jetë i humbur për Gjilanin, mandati poashtu! Këto mendime po i marrim nga qytetarët tanë në çdo vend të komunës së Gjilanit.
Kjo qeverisje e dragradimit dhe regresit në Gjilan, gjilanasve po ua humb projektet e mira e të duhura për qytetin dhe fshatrat tona. Tendenca për të prishur atë që është ndërtuar e ideja për të hedhur pluhur syve tek qytetarët tanë përmes vizatimeve 3D në rrjetet sociale do të ndëshkohet keq. Qeverisja nuk bëhet në Facebook!
Diskriminimi ndaj qytetarëve është bërë kulturë e pushtetit që po administron me Gjilanin.
Gjilani meriton shumë më shumë dhe shumë më mirë!
Gjilani nuk e meriton këtë ndëshkim!
