Kryetari i Komunës së Gjilanit përmes një postimi në facebook ka shprehur ngushllime familjes së personit që humbi jetën sonte nga coronavirus në klinkinën infektive.
Postimi i plotë:
#Dita101 me një lajm të keq për Gjilanin. Një bashkëqytetar i yni nga Zhegra ka ndërruar jetë si pasojë e infeksionit me #Covid19 dhe në këto orë të vona po ia japim lamtumirën e fundit. I ndjeri kishte edhe sëmundje të tjera përcjellëse. Ngushëllimet më të sinqerta familjes dhe do t’I qëndrojmë bashkë për ta përballuar.
Lajmi i mirë është që janë shëruar shtatë persona të cilët kanë qenë të prekur nga #Covid19.
Ju lutem, përshtatjuni masave mbrojtëse dhe kujdesu për vete e familjen. Mos jep e as mos merr shërbime pa maska e doreza. Virusi #Covid19 është i panjohur dhe lufta ndaj tij po bëhet e vështirë. Por, nuk guxon me na mund!
