Kryetari i Degës së Lidhjes Demokratike të Kosovës, njëherësh nënkryetar i parë në nivel qendror, z. Lutfi Haziri, ka mbajtur sot konferencë për media ku ka paraqitur qëndrimet e Degës përkitazi me keq qeverisjen, dhe dështimet e ekzekutvitit të Komunës.
Gjilani nga një qendër zhvillimore është bërë një fshat spanjoll. Imazhi i Komunës sonë ka ra për toke sepse po administrohet, nuk po qeveriset. Ekzekutivi i Komunës së Gjilanit nuk ka më as guxim të ballafaqohet me Kuvendin Komunal, për shkak të keq qeverisjes, abuzimit me paranë publike, nepotizmit të paparë në punësim, ngecjet së madhe në infrastrukturë, dështimit e lidhjes së rrugëve lokale me rrugët regjionale e stagnimit në çdo resor.
Politika tinëzare është instaluar tash e dy vjet në Gjilan, ka bërë politikë tinëzare me partinë e tyre, me ish-partnerin qeverisës e po mundohet që ta shtrijnë këtë edhe përtej. E keqja e madhe është që politika e ‘mizevirit’, është munduar edhe heronjtë tanë t’i ndajë.
Fatkeqësisht kjo komunë e ka shtrirjen e veprimit Gjilan, Podujevë dhe Shtime, duke mos bërë asnjë partneritet me organizatat e fuqishme financiare në Europë dhe SHBA. E kuptueshme ndoshta sepse kur s’ka politika zhvillimore, e bëjnë politikën e mizevirit.
Pas paraqitjes së 50 dështimeve dhe dhjetë skandaleve të ekzekutivit në fundvitin e kaluar, për çdo javë do të vazhdojmë t’i paraqesim dhe t’i elaborojmë një nga një. Edhe ky vit fatkeqësisht do të jetë vit i humbur për Gjilanin, tha kryetari z. Haziri.
