Kandidati për deputet nga LDK, Lutfi Haziri, theksoi suksesin e BioLab, e cila, nga një laborator i vogël, është shndërruar në një nga kompanitë më të mëdha në Kosovë.
Ai e cilësoi këtë si një shembull të shkëlqyer të zhvillimit dhe rritjes së shërbimeve shëndetësore në juglindje të vendit. Gjatë vizitës, Haziri shprehu falënderimet për pritjen e ngrohtë dhe siguroi mbështetje të mëtejshme për krijimin e kushteve që mundësojnë suksesin e sektorit privat.
Së bashku me kandidatët për deputetë, dhe kryeministrin e ardhshëm, Lumir Abdixhiku, Haziri premtoi përkrahje maksimale nga shteti për bizneset, duke ofruar lehtësira për një operim të suksesshëm.
Statusi i plotë:
Nga një laborator i vogël, BioLab sot është njëri nga më të mëdhenjtë në Kosovë.
Është shembull i mirë i zhvillimit dhe rritjes së shërbimeve shëndetësore në këtë pjesë të juglindjes. Përgëzime për sukseset e ju falënderojmë shumë për pritjen e ngrohtë.
Bashkë me kandidatët për deputetë nga Gjilani, në krye me Lumir Abdixhikun, kryeministrin në ardhje, do të kujdesemi qër përkrahjen maksimale të shtetit ndaj sektorit privat, duke krijuar lehtësira për operim sa më të suksesshëm.
Ndryshimi i madh me LDK-në po vjen më 9 shkurt.
