Sot në selinë e FFK-së në praninë e Komisionit të Garave dhe përfaqësuesve të klubeve është bërë tërheqja e shortit për edicionin e ri garues 2022/23 në Superligë.
Fillimisht në emër të presidentit Agim Ademi dhe KE të FFK-së të pranishmit i ka përshëndetur kryetari i KG-së, Abdyl Bellopoja, i cili ka uruar klubet për një organizim sa më të mirë dhe mbarëvajtje të garave në edicionin e ri. Në bazë të shortit të tërhequr në javën e parë do të ballafaqohen:
Gjilani – Ferizaj, Malisheva – Ballkani, Drenica – Llapi, Trepça’89 – Drita dhe Dukagjini – Prishtina. Kampionati i ri fillon më 13 gusht.
Ndeshja që merr vëmendjen e gjithë futbolldashësve vendor, derbi lokal mes FC Drita e SC Gjilani pritet të luhet në xhiron e 7-të.
Në xhiron e 7, Drita e Gjilani do të përballen për herë të parë këtë vit, në Superligë 2022/23.
