Një i lënduar si pasojë e një aksidenti të hënën në Gjilan, është në gjendje jo të mirë shëndetësore.
Përkeqësimi i gjendjes së tij ka bërë që ai të dërgohet për trajtim mjekësor në Prishtinë. Sipas Policisë së Kosovës ai pas lëndimeve të marra nga Spitali Rajonal i Gjilanit është transferuar në Qendren Klinike Univeristare të Kosovës (QKUK), për tretman të mëtutjeshëm.
I njëjti mori lëndime trupore pasi teksa voziste veturën u përfshi në një aksident trafiku me një veturë tjetër, të hënën rreth orës 16:10.
Ndërkohë, shoferi i kësaj të fundit është arrestuar siç njofton policia të mërkurën përmes raportit ditor.
Si rezultat i hetimit të rastit me vendim të prokurorit, i dyshuari kosovar pas arrestimit është dërguar në mbajtje.
“Raport shtesë: AKSIDENT TRAFIKU ME LËNDIME- Gjilan 17.07.2023 – 16:10. Lidhur me rastin, viktimës mashkull kosovar i është keqësuar gjendja dhe është dërguar në QKUK për tretman të mëtutjeshëm, ndërsa me vendim të prokurorit i dyshuari kosovar është arrestuar dhe dërguar në mbajtje”, thuhet në raportin 24-orësh të PK-së.
Rasti është duke u hetuar tutje.
