Me një gjatësi totale prej 310 metra dhe lartësi prej 56 metra sot u inaugurua Ura e Madhe në Kukës e cilësuar si një nga veprat më të rëndësishme infrastrukturore që çliron trafikun në zonë.
I pranishëm në ceremoni ishte edhe kryeministri Edi Rama tha se kjo është një nga urat me hapësirën më të madhe në Ballkan në tipologjinë e saj. Më tej nënvizoi se ura do të lehtësojë kalimin në Rrugën e Kombit.
“Ura hapet për të gjithë edhe për ata që ç’nuk thanë për këtë urë, deri tek ata që thanë që u këputën këmbët, por kjo s’ka këmbë pasi është e shtrirë përgjatë një hapësirë dritë ndër më të mëdhatë nga urat në Europë”, tha Rama.
Një investim tepër të domosdoshëm e konsideroi urën Ministrja për Infrastrukturën dhe Energjinë, Belinda Balluku.
