Të kesh nje përgatitje sa më të mirë profesionale sigurisht se kërkon punë, përkushtim dhe përkrahje. Secila prej tyre nuk bën pa tjetrën aq sa studentët nuk munden pa përkrahjen e njëri tjetrit dhe ideve të cilat shpien drejt suksesit.
Një grup studentësh të indinjuar nga përfaqësimi studentor dhe duke parë nevojën e domosdoshme për ndryshim të strukturave studentore zgjodhi rrugën e gjatë dhe të mundimshme të formimit të një organizate studentore me qëllim të gjithëpërfshirjes studentore dhe përfaqësimin e dinjitetshëm të studentëve në projekte të ndryshme anë e kënd globit, duke tentuar të sjellin një frymë të re te përfaqësimit studentor që prej formimit të Universitetit “Kadri Zeka” kurr nuk ka qenë në gjendje më të rënduar sa që edhe proceset thelbësore si akreditimi po bojkotohen.
Organizata studentore “Iniciativa Studentore- Kadri Zeka” qëllim kryesor ka mbështetjen e ideve të studentëve, iniciativave të tyre, dhe pasioneve të tyre përmes aktiviteteve të ndryshme duke përfshirë ato aktivitete që mbahen mbrenda dhe jashtë Universitetit. Gjithashtu, bashkëpunimin për t’iu vënë në ndihmë studentëve në gjithpërfshirjen sa më të madhe të tyre në projekte të ndryshme, të cilat janë kryesisht të financuara nga BE dhe atyre që kanë partner UKZ-në, si projektet: Erasmus+, Enemlos,QUADIC etj.
Krijimi i klubeve në kuadër të UKZ-së, Klinikave ligjore, arritja e marrëveshjeve me financues për projekte të trajnimeve profesionale, janë disa nga idetë dhe planet që do realizohen qysh herët. Si projekt madhor OS “Iniciativa Studentore” do ta ketë organizimin e një Shkolle Verore(Summer School) për studentët e Universitetit Kadri Zeka, projekt unik për regjionin tonë. Studentët e Universitetit “Kadri Zeka” tashmë janë të njoftuar se të enjten,6 maj do të mbahen zgjedhjet studentore në Universitet.
