Inspektoriati Policor i Kosovës ka konfiskuar armën me të cilën zyrtari policor i Kosovës, V.H e qëlloi për vdekje një qytetar në Gjilan.
Përmes një komunikate për media, IPK njofton se ka gjetur në veturë edhe dy revole të tjera.
“Si pjesë e procedurës hetimore IPK ka konfiskuar një armë GLOCK 9×19 që dyshohet se është përdorur nga i dyshuari në këtë rast dhe një karikator.
Në veturën e të dyshuarit (zyrtarit policor) janë gjetur dhe konfiskuar edhe dy revole të llojit Bereta”, thuhet në komunikatë.
