“Intelektualët” janë gjithmonë aty ku është edhe FC Drita. Tifo grupi ‘bardhekaltër’ po bën përgatitjet e fundit përpara udhëtimit drejt kryeqytetit, pasi që skuadra e tyre luan në transfertë ndaj FC Prishtinës, shkruan Gazetasheshi.com.
Dueli ndaj Prishtinës zhvillohet të enjten me fillim nga ora 18:00, ndërkohë që “Intelektualët” kanë organizuar një takim organizativ përpara udhëtimit gjigant i cili pritet të ndodh ditën e lojës.
Përmes faqes zyrtare “Intelektualët” kanë njoftuar anëtarësinë e tyre për detajet e mbledhjes:
“Të Mërkuren me fillim prej orës 19:00 mblidhemi të diskutojmë për udhëtimin që do ta realizojmë ditën e Enjte për në Prishtinë.
Ardhja e Intelektualëve në këtë mbledhje është obligative pasi do të diskutohen së bashku shumë gjëra me rëndësi për këtë udhëtim”, thuhet ndër të tjerash.
