Duke marrë parasysh situatën sociale në Kosovë dhe gjendjen e një pjese të shoqërisë, të cilët jetojnë në kushte jashtëzakonisht të vështira, ne komuniteti i tifozëve të INTERIT në Kosovë, ndërmorrëm një iniciativë simbolike, me anë të së cilës u munduam që të grumbullojmë pak të holla dhe garderobë, që t’i dalim në krah disa familjeve, në këto ditë të ftohta e në prag të festave.
Në një periudhë të shkurtër kohore dhe me aq mundësi sa kishim, ne INTER CLUB KOSOVA arritëm që brenda 1 jave të mbledhim një fond diku mbi 1 mijë euro, si dhe një sasi të veshmbathjeve.
Si rezultat i kësaj, kemi arritur që për 10 familje me kushte të vështira jetese, të krijojmë një pako me gjëra të nevojshme për jetesë, diku në rreth 100 euro, ku kemi përfshirë ushqim elemtar, gjëra higjienike dhe ëmbëlsira e pije, që edhe këto familje të kenë mundësi ta shtrojnë sofrën për festën e Vitit të Ri.
INTER CLUB KOSOVA me këtë rast do ta bëj këtë aktivitet rutinor, duke kontribuar edhe në vazhdimësi me aq mundësi që kemi, për t’i qëndruar pranë motrave e vëllezërve tanë në nevojë.
Sot i kemi shpërndarë tek 4 familje në Komunën e Prishtinës, 3 në atë të Gjilanit dhe 3 në Ferizaj.
Me këtë rast, falenderojmë të gjithë kontributdhënësit si dhe ftojmë edhe të tjerët që t’i bashkangjiten iniciativave të tilla sepse me pak, mund të bëjmë shumë.
#InterClubKosova
