Analisti politik dhe ish-këshilltari i kryeministrit të tanishëm Albin Kurti, Shkelzen Gashi ka reaguar ndaj partisë opozitare Lidhja Demokratike e Kosovës.Gashi u deklarua lidhur me këtë çështje pas një reagimi që erdhi nga zyra e LDK-së, e që kishte të bënte me gurë-themelin në ndërtimin e Universitetit në Mitrovicë nga qeveria e tanishme e udhëhequr nga Albin Kurti.Nga LDK u tha se Qeveria Kurti po e ri-instalon Serbinë në Kosovë, ndërsa Gashi u kundërpërgjigj duke thënë se “Serbinë e keni instaluar ju”.
Postimi i plotë i Gashit:
SËRBINË NË KOSOVË E KENI INSTALUAR JU!Ligji për Arsim në Komunat e Republikës së Kosovës është miratuar në Kuvendin e Kosovës, më 21maj 2008, me votat e deputetëve të PDK-së, LDK-së dhe AAK-së. Ky ligj në nenin 14 liston kompetencat e zgjeruara të Komunës së Mitrovicës Veriore për arsimin e lartë. Në pikën f., ligji thotë se Komuna e Mitrovicës Veriore do të sigurojë që Universiteti në Mitrovicën Veriore të ketë objekte dhe financim adekuat për veprimtarinë e tij edhe nga burime të tjera institucionale, ku specifikon fondet nga Republika e Sërbisë.
