Të dashur qytetarë,
Lajm shumë i rëndësishëm për të gjithë ata që e shfrytëzojnë pronën komunale. Me propozim të z. Burim Berisha (LDK) dhe z. Nehat Osmani (VV), përkrahur nga të gjitha grupet politike në kuvend, iu është rekomanduar kryetarit të Komunës, Lutfi Haziri, që të vazhdojë edhe për vitin 2021 lirimin nga pagesa për disa kategori ekonomike, si masë e përkrahjes së fuqishme ndaj tyre si pasojë e gjendjes së vështirësuar ekonomike.
Si ekzekutiv, kemi bërë lirimin nga pagesa përgjatë një viti, por do të vazhdojmë të bëjmë lirimin e pagesave edhe për këtë vit për të gjitha bizneset që kanë në shfrytëzim hapësirat komunale dhe që i përdorin ato për nevoja biznesore, lirimin nga pagesa për pranim teknik të lokaleve të reja të cilat hapen si dhe lirimin nga pagesa e qirasë mujore për vitin 2021 të bizneseve që shfrytëzojnë lokale në pronësi komunale, përfshirë edhe banesat. Do të shqyrtohet edhe mundësia e dhënies së grandeve për biznese, sipas mundësive buxhetore.
#bashkeiadalim
