Fuad Karabeg nuk e di të ardhmen e tij. Mesfushorit të Gjilanit kontrata i skadon në fund të këtij muaji.
Megjithatë, për dallim nga të tjerët, Karabeg pohon se është në pritje të drejtuesve të klubit për të diskutuar mundësinë e vazhdimit.
“Me Gjilanin kontrata më skadon në fund të muajit. Këto ditë do të ulem të bisedoj me drejtuesit e ekipit për të parë planet e tyre, pasi i’ kam borgj kësaj skuadre pasi që nga dita e parë kur iu bashkova ishin shumë korrekt ndaj meje. Kam disa oferta nga skuadra të ndryshme të Superligës, por gjithçka sa i përket të ardhmes do të vendosët pas takimit me drejtuesit e Gjilanit”, ka thënë Karabegu për Kornerin.
Mbetet të shihet se cili do të jetë vullneti i drejtuesve të Gjilanit në lidhje me Karabegun.
