KEDS/KESCO ka njoftuar të gjithë konsumatorët që është siguruar importi i nevojshëm për festën e ndrrimit të motmoteve.
“Sot konsumatorët janë duke u furnizuar pa kufizime të energjisë elektrike”, thuhet nga KEDS.
Për të evituar secilën të papritur në rrjetin elektrik, KEDS thotë se ka mobilizuar qindra punëtorë anëkend Kosovës në mënyrë që të intervenojnë në kohën më të shkurtër të mundshme.
“Fatkeqësisht, në disa vendbanime sic është Malisheva është e pamundur të vazhdohet me furnizim pa ndërperje për shkak të kapaciteteve të kufizuara transmetive, që janë nën menaxhimin e KOSTT-it. Po ashtu sfidues mbetet edhe regjioni i Ferizajit, ku mund të shfaqen mbingarkesa për shkak të trendit të lartë të rritjes së konsumit”, thuhet më tej.
KEDS në këto raste kërkon nga të gjithë konsumatorët që të kursejnë maksimalisht energjinë elektrike sidomos gjatë këtyre ditëve festive. Kjo do të evitonte mbingakresat eventuale dhe do të minimalizonte gjasat që të ndodhte ndonjë prishje.
“Së bashku është çdo gjë më e lehtë dhe mundësohet atmosferë shumë më e këndshme festive. Gëzuar 2022!”, ka ururar në fund KEDS-i.
