Asociacioni i Gazetarëve të Kosovës ka reaguar në lidhje me kërcënimin që kanë marrë me jetë gazetarja, Alberta Hashani dhe kameramani, Dituron Aliu, përderisa ata ishin duke e zhvilluar një hulumtim që pritet të publikohet në muajin shtator.
Sipas redaksisë së “Betimi për Drejtësi”, gazetarja dhe kameramani janë kërcënuar me jetë nga një shitës i mallrave ilegale.
AGK thotë se fillimisht kameramanit i është dërguar mesazh kërcënues, duke i thënë se “i ka borxh një gjak”.
“Komt.qet..shum.shpet.umk.pre.bes.um.ki.borq.ne.qak”, thuhet në mesazhin kërcënues.
Ndërsa, më pas i njëjti ka telefonuar gazetaren duke u shprehur se atë se bashku më kameramanin do i fur në bander.
“Unë ty ka me të gjete edhe atë djalin, ka me iu fur në tel në bander, ka me iu fur. A po ninë, a po ninë o idiota”.
Asociacioni i Gazetarëve të Kosovës shprehet thellësisht i shqetësuar me këtë raportim të kolegëve, dhe fton Policinë e Kosovës dhe organet e drejtësisë që të trajtojnë rastin sa më parë.
