Këshilli i Bashkësisë Islame në Gjilan, pas vendimit të marrë nga Kryesia e Bashkësisë Islame për hapjen e xhamive, me fillim më 28.05.2020 (e enjte) nga koha e namazit të sabahut, ka bërë përgatitjet e nevojshme.
Nesër do të jenë të gatshme të gjitha xhamitë e komunës së Gjilanit (gjithsej 42 xhami , 10 prej tyre ne qytet) të fillojnë me faljen e namazeve ditore dhe të xhumasë.
Kryetari i KBI në Gjilan, Naim ef. Aliu, ka njoftuar se në bashkëpunim me Komunën e Gjilanit janë dezinfektuar të gjitha xhamitë dhe janë njoftuar të gjithë punonjësit dhe imamët e xhamive për masat e ndërmarra në nivel vendi.
Aliu fillimisht është takuar me anëtarët e shtabit të emergjencave, dr. Ajhane Sejfiu, dr. Ukshin Ismajli,dr. Fejzulla Berisha dhe Komandantin e Stacionit Policor në Gjilan, Alban Ramushi për të koordinuar masat e marra para se të fillojnë punën ditën e nesërme nëpër xhami.
Ndërsa në orët e pasditës kryetari i KBI është takuar me imamët e xhamive, duke iu dhënë me shkrim masat të cilat duhet të mirren gjatë faljes së namazeve ditore.
