Joga e syve përfshin një seri ushtrimesh, të ngjashme me masazhin, qëllimi kryesor i të cilave është forcimi i muskujve të syrit. Nuk mund të thuhet me siguri se joga e syve zgjidh probleme të mëdha shëndetësore, por shumë që e praktikojnë atë thonë se i ka ndihmuar të përmirësojnë gjendjen e tyre aktuale.
Për shkak se joga e syve përfshin trajtimin e muskujve rreth syve, ajo i ndihmon sytë të lodhen më pak gjatë ditës, veçanërisht nëse kalojmë shumë orë para një kompjuteri.
Disa lëvizje me presion të lehtë në hundë dhe tempuj mund të largojnë ndjenjën e lodhjes dhe t’ju ndihmojnë të përqendroheni më mirë.
Disa studime kanë treguar se masazhimi i zonës rreth syve mund të reduktojë presionin intraokular (IOP) në vetë syrin, i cili ngadalëson përparimin e glaukomës.
Ata që i kanë praktikuar këto ushtrime thonë se i ka ndihmuar edhe të riparojnë sytë e thatë, veçanërisht pas operacionit të kataraktit.
Një studim tregoi indikacione se joga e syve mund të ndikojë edhe në përmirësimin e dioptrisë, por kjo ende nuk është përcaktuar me siguri.
