FC Drita rikthehet në aksion pas më shumë se dy muajve. Klubi gjilanas ka njoftuar për fillimin e përgatitjeve për të vazhduar pjesën e mbetur të edicionit 2019/20, shkruan Gazetasheshi.com.
Klubi gjilanas e ka marrë këtë vendim pasi që Ministria e Shëndetësisë në koordinim me Institutin Kombëtar të Shëndetit Publik u ka dhënë leje klubeve të Superligës së Kosovës t’i nisin stërvitjet.
Klubi gjilanas njofton tutje se në seancën e sotme stërvitore skuadra nuk do të jetë e kompletuar, por që pjesa tjetër e futbollistëve do të bashkangjiten në ditët e ardhshme.
Kryetrajneri Ardian Nuhiu, së bashku me futbollistët Darko Tofiloski, Ardian Cuculi, Lirim Mema, Bunjamin Shabani dhe Izair Emini ndodhen në Maqedoninë e Veriut, ndërkohë që gjatë ditëve në vijim pritet që të arrijnë në Kosovë.
Gjithashtu Drita, një pretenduese serioze për titullin e kampionit, e ka quajtur vendim të vonuar vazhdimin e kampionatit, por të mirëseardhur.
