Komisioni për Buxhet, Punë dhe Transfere i Kuvendit, i ka proceduar katër kandidatë kryesisë për plotësimin e pozitës së Guvernatorit të Bankës Qendrore të Republikës së Kosovës.
Paneli i BQK-së, pas përfundimit të veprimeve procedurale, i ka propozuar Kuvendit listën me këta kandidatë: Ahmet Ismaili, Nexhat Kryeziu, Lulzim Ismajli e Shkëndije Himaj.
BQK-ja, deri tash është udhëhequr nga Guvernatori Fehmi Mehmeti. Këtij të fundit i skadon mandati në mars të këtij viti. Emërimi i guvernatorit të ri do të jetë për një mandat pesëvjeçar duke filluar më 29 mars 2023 ose në datën e emërimit.
Megjithatë, Komisioni nuk e ka votuar listën e kandidatëve për guvernator.
Komisioni ka rekomanduar që procesi nuk i plotëson kushtet sipas ligjit.
Në mbledhjen e sotme, Komisioni ka kërkuar nga kryetari i Kuvendit ta njoftojë komisionin përzgjedhës për mospërmbushjen e kushteve, dhe që kandidatura të fillojë nga e para me kandidatura të reja.
Por as ky rekomandim i Mujajt nuk ka marrë votat e mjaftueshme dhe se mbetet të shqyrtohet një zgjidhje në një mbledhje tjetër të komisionit./Indeksonline/
