Thanë se Hyseni nuk i ka shkarkuar sepse s’kanë pranuar asnjë vendim zyrtarë për këtë nga kryetari i komunës.
Në Gjilan, komisionin vlerësues i Thirrjes Publike për financim të OJQ-ve dhe individëve në kuadër të drejtorisë për kulturë, rini dhe sport, përmes një konference për media kanë sqaruar se kanë vlerësuar në mënyrë të pa anshme dhe profesionale, gjithsej 130 aplikacionet për ndarjen e subvencioneve në fushatë kulturë, sport e rini në këtë komunë.
Ky sqarim i tyre vjen pasi kryetari Alban Hyseni, njoftoi se shkarkon komisionin, për të cilin u raportua se kanë shpërblyer familjarët e zyrtares së VV-së, Enkelejda Arifi.
Sipas tyre, komisioni bën vetëm vlerësimin dhe nuk ndanë mjete, kurse sa i përketë aludimit në konflik interesi, thanë se DKRS ka paraparë konfliktet eventuale, prandaj edhe është propozuar anëtari rezerv dhe është respektuar rregullorja e ministrisë së Financave, sipas tyre.
Anëtarja e këtij komisioni, këngëtarja dhe zyrtarja e VV-së, Enkelejda Arifi, e cila u kritikua se ka favorizuar djalin dhe kunatin si përfitues të subvencioneve për projektet e tyre, ka sqaruar këtë situatë.
“Kjo ka qenë vlerësimi që ka bërë komisioni, është një listë preliminare, dmth janë vlerësuar të gjithë aplikantët, dhe nga këto vlerësime ka dal ajo listë preliminare, që do të thotë se kemi njoftuar se ka pesë ditë afat për ankesa, kjo listë preliminare rishqyrtohet, ka ankesa shqyrëtohen ato, nga komisioni për ankesa, dhe më pas del lista përfundimtare e përfituesve”, tha Arifi, duke shtuar se kritikat se ka favorizuar familjarët janë të pa bazuara.
Ajo tha se kanë konstatuar se nuk ka konflikt interesi në këtë procedurë.
Anëtarët që dolën para gazetarëve, thanë se ende nuk kanë pranuar ndonjë vendim zyrtarë nga ana e kryetarit Alban Hyseni për shkarkim të tyre prej këtij komisioni, siç ai ka njoftuar përmes një postimi dje në Facebook.
Deklaratat e kryetarit Hyseni, për shkarkim i kanë quajtur të pabazuara dhe të ngutshme.
Ndryshe, kryetari i Gjilanit Hyseni tha dje se ka shkarkuar komisionin vlerësues, pjesë e të cilit ishte zyrtarja e Vetëvendosjes, Enkelejda Arifi, për të cilën u raportua se ka ndarë projekte për familjarët e saj, duke e shpërblyer djalin dhe kunatin me mbi 7500 euro.
Ai dje përmes një postimi në rrjetin social Facebook, ka thënë se ai ka anuluar të gjithë procesin e thirrjes publike për subvencionimin e organizatave dhe individëve nga fusha e Kulturës, Rinisë dhe Sportit. /Radiostarplustv/
