Komuna e Gjilanit do të organizojë të martën, më 27 tetor 2026, mbledhje komemorative në nderim të profesorit të ndjerë Xhemaj Xhemajit.
Sipas njoftimit, mbledhja komemorative do të mbahet nga ora 10:00, në sallën e Teatrit të Gjilanit, ku do të kujtohet jeta dhe vepra e profesorit, si dhe kontributi i tij në fushën e arsimit.
Në këtë tubim do të nderohet figura e profesorit dhe do të kujtohet ndikimi i tij te kolegët, nxënësit dhe të gjithë ata që patën rastin ta njohin.
Mbledhja komemorative organizohet si shenjë respekti dhe mirënjohjeje për kontributin e tij në arsim dhe gjurmët që la gjatë jetës së tij.
