Këshilli drejtues i SBASHK-ut ka vendosur që të pezullohet greva duke njoftuar se mësimi do të fillojë ditën e hënë.
Ky vendim është marr pas mbledhjes së këshillit të SBASHK-ut, ku është vendosur që të fillojë mësimi në të gjithë Kosovën.
Sipas, Imer Imerit greva do të pezullohet por jo të anulohet tërësisht.
Ndryshe, ky vendim është marr sot pas takimit të Këshillit drejtues të SBASHK-ut me kryeministrin Haradinaj dhe kreyparlamentari, Veseli. Takim ky që rezultoi me arritjen e një marrëveshjes mes qeverisë dhe mësimdhënësve.
