Kryetari i Kuvendit të Kosovës, Glauk Konjufca, ka caktuar datën 8 prill për takimin me përfaqësuesit e partive politike që kanë siguruar ulëse në Kuvend.
Sipas shefit të stafit të tij, Ilir Kërçeli, ky takim do të mbahet rreth orës 12:00 dhe do të fokusohet në përgatitjet për seancën konstituive të legjislaturës së nëntë.
Ndërkohë, më 15 prill pritet të mbahet seanca konstituive, e cila fillimisht do të udhëhiqet nga deputeti më i vjetër dhe më i riu.
Gjatë kësaj seance, deputetët e rinj do të bëjnë betimin, ndërsa do të zgjidhen edhe kryetari dhe nënkryetarët e Kuvendit./Sinjali/
