Këtë vit Londra është nikoqire e Samitit për Investime në Ballkanin Perëndimor 2022, i cili cdo vit organizohet nga Banka Evropiane për Rindërtim dhe Zhvillim (BERZh).
Në këtë samit po merr pjesë edhe kryeministri i Republikës së Kosovës, Albin Kurti. Përveç Kurtit, në samit po marrin pjesë edhe krerët e qeverive të tjera të gjashtë Ballkanit Perëndimor.
Kryeministri Albin Kurti, ka vlerësuar se Kosova ka popullatë të re dhe se ata njohin shumë mirë gjuhë të huaja, anglishten dhe gjermanishten etj, raporton RTKlive.
Ai foli për mbështetjen që qeveria e Kosovës po u jep qytetarëve për projekte të ndryshme.
“Ne kemi mbështetur me projektet të ndryshme qytetarët tanë, si dhe me bursa për të rinjët, një mundësi e mirë tek ne është që e kemi valutën euro. Kosova është vendosur në listën më të mirë në internet dhe se shumica e pagesave bëhen online”, tha ai.
Kurti foli edhe për rritjen ekonomike të Kosovës, e cila siç tha ai, në vitin e kaluar kishte arritur në 9.9 %. “Kemi borxhin më të ulët në Ballkanin Perëndimor”, tha ia.
Kryeministri Kurti, ka shprehur solidaritetin me popullin e Ukrainës, ndaj agresionit rus.
Ndryshe hapjen e samitit e kanë bërë nga presidenti i BERZH-it, Odile Renaud – Basso, dhe Komisioneri Europian për Fqinjësinë dhe Zgjerimin, Oliver Varhelyi.
