Vazhdimi i seancës së Kuvendit, rreth interpelancës së kryeministrit Hoti, për dialogun Kosovë-Serbi, që ka pasur të mbahet të enjten, është shtyrë deri në një vendim të radhës nga Kryesia e Kuvendit.
Një deputet i Kuvendit në kushte anonimiteti i ka thënë Gazetës Blic, se arsyeja e shtyerjes së kësaj seance, është ngritja e aktakuzave nga Gjykata Speciale, ndaj presidentit Thaçi dhe kryetarit të PDK-së, Kadri Veseli.
Vazhdimi i saj, sipas njoftimit që u është bërë deputetëve, do të vendoset ditëve në vazhdim nga Kryesia e Kuvendit.
“Seanca është shtyrë deri në një vendim të Kryesisë së Kuvendit. Arsyeja është ngritja e aktakuzave ndaj Thaçit dhe Veselit”, i ka thënë ky deputet Gazetës Blic.
