Kryetari i Komunës së Gjilanit, Alban Hyseni, me rastin e ndarjes nga jeta të Nehat Feratit, ka dërguar telegram ngushëllimi familjes Ferati, e përmes tyre të gjithë qytetarëve të Gjilanit dhe kolegëve të tij me të cilët ai ka punuar gjithmonë.
Në telegramin e ngushëllimit thuhet:
I trishtë lajmi për ndarjen nga jeta të artistit, këngëtarit gjilanas Nehat Ferati.
Ferati, udhëheqës i Ansamblit të Këngëve dhe Valleve “Gjilani” ndër vite, do të kujtohet përherë për kontributin e tij të palodhshëm në sferën e kulturës.
Ngushëllime familjes, kolegëve dhe gjithë atyre që e njohën!
Shpirti i tij u prehtë në paqe!
