Kryetari i Komunës së Kamenicës së bashku me Drejtorin e Drejtorisë së Urbanizmit dhe Planifikimit Hapësinor, Uran Berisha, zyrtarët Leotrim Spahiu dhe Vjollca Kryeziu, kanë takuar Kryetarin e Prishtinës, Përparim Rama.
Në këtë takim është diskutuar për krijimin e Shtegut të Çiklizmit, i cili pritet të jetë më i gjati në Kosovë.
I pari i Kamenicës ka thënë se në këtë shteg relievi fantastik do ta prodhojë adrenalinën që vështirë se përjetohet diku tjetër.
“Së bashku me Kryetarin e Prishtinës, z. Perparim Rama po punojmë në krijimin e Shtegut të çiklizmit, i cili do të jetë më i gjati në Kosovë, e ndër më të gjatit në Ballkan.
Imagjinojeni një eksperiencë me biçikletë, ku përgjatë gjithë rrugës shoqëroheni nga gjelbërimi masiv dhe oksigjeni i një lartësie mbidetare 1029m.
Në këtë shteg relievi fantastik do ta prodhojë adrenalinën që vështirë se përjetohet diku tjetër, ndërsa përgjatë 55 kilometrave, gjatë ndalesave, keni mundësi të vizitoni monumente historike e kulturore.
Duke e bërë këtë projekt të rëndësishëm për sportin, shëndetin, turizmin dhe kulturën.
#nukNdalemi”, ka thënë Kryetari Rahimaj.
