Kryeministri i Kosovës, Albin Kurti, tha se gjatë vitit të kaluar Qeveria e vendit i ka ndarë ndër të tjera 1,5 milion Euro për programin Komunal për zhvillim të infrastrukturës socio-ekonomike dhe bashkëpunim ndërkomunal.
Përmes një statusi në Facebook, Kurti ka përmendur edhe programin për Zhvillim Rajonal, i cili sipas tij përfshinë 17 projekte të investimeve kapitale në 16 komuna, në vlerë prej 1,4 milion euro.
“- Zbatuam:
– Projektin “Municipality 4 Youth” me vlerë 2,7 milionë dollarë;
– Programin për Zhvillim Rajonal: 17 projekte të investimeve kapitale në 16 komuna, në vlerë prej 1,4 milion euro;
– Programin për Zhvillim Rajonal të Balancuar në vlerë 3 milionë euro. Përfituan 335 biznese dhe gjeneruam 770 vende të reja pune;
– Programin për bashkëpunim me OShC, në vlerë prej 107 mijë euro. Nga 38 projekte, përfituan 200 të rinj dhe gra;
– Avancuam bashkëpunimin ndërkufitar me Shqipërinë, Maqedoninë e Veriut dhe Malin e Zi. Janë paraparë mbi 25 milionë euro;
– Inicuam zhvillimin e portalit E-Komunat për digjitalizim në nivel lokal;
– Mbështetëm komunitetet nëpërmjet Fondit prej 1 milion euro;
– Forcuam të drejtat e komuniteteve nëpër komuna;
– Hartuam Planin Kombëtar të Veprimit për Partneritetin për Qeverisje të Hapur – PQH me qëllim të anëtarësimit në organizatën ndërkombëtare PQH;
– Miratuam Strategjinë Kombëtare për menaxhimin dhe kontrollin e qenve me dhe pa pronar”, ka shkruar Kurti.
