Shefja e grupit parlamentar të VV-së, Mimoza Kusari-Lila, ka thënë se nuk beson që do të kalojë projektligji që lejon tërheqjen e një pshumë të parave nga Trusti Pensional.
Kusari Lila tregon se si qeveria e tanishme po kërkon një rishikim të buxhetit që të rialokohen të hyrat shtesë, teksa kritikon opozitën që nuk e dëshiron rishikimin e skemës pensionale.
“Ajo çka ne e kemi parë dhe e kemi ballafaquar, është se ka pasur analiza të ndryshme si për Trustin. Ashtu edhe për masa tjera rishpërndarja e të hyrave shtesë të buxhetit, të cilit do i bëhet një rishikim pas rivotimit të buxhetit dhe rivlerësimit të skenës pensionale. Projekt ky i cili dy herë është dështuar në projekt”, ka thënë ajo.
“Opozita vet ka refuzuar rishikim e skemës pensionale. Tash kërkon të bëjë një projektligj që lejon tërheqjen e Trustit dhe e shkatërron të gjithë skemën”, shtoi ajo.
Ajo thotë se nuk e di se kush është janë ata deputetë që potencialisht do të votonin tërheqjen e Trustit.
“Nëse arrijmë me shqyrtu gjatë ditës, pasi do të ketë diskutime tjera. Nuk e di se prej kujt mundet me qenë vota që të kalojë”, përfundoi ajo.
