Të dielën, SC Gjilani dhe Malisheva do të përballen në një ndeshje të vlefshme për xhiron e 15-të të Superligës së Kosovës.
Visar Kastrati është caktuar si gjyqtar kryesor për këtë takim, pas delegimit përmes shortit. Ndihmësit e tij do të jenë Arbnor Bullatovci dhe Kastriot Peci.
Gjilani synon të vazhdojë ecurinë pozitive pas fitores si mysafir ndaj Feronikelit ‘74, ndërsa Malisheva është në një formë të mirë në kampionat, duke u renditur në vendin e tretë me gjashtë pikë më pak se kreu i tabelës.
Ndeshja do të zhvillohet të dielën, duke filluar nga ora 13:00, në stadiumin me bar sintetik.
