Lajm i mirë: Mblidhen fondet për trajtimin e vogëlushit Siar – Familja përlot me falënderimin prekës
Një lajm shprese dhe gëzimi ka ardhur sot nga familja e vogëlushit Siar. Falë zemërgjerësisë dhe solidaritetit të jashtëzakonshëm të qytetarëve, është arritur shuma e nevojshme për dy muaj trajtim mjekësor për të voglin që ka prekur zemrat e mijëra njerëzve.
Prindërit e Siarit kanë ndarë një njoftim të ndjerë në rrjetet sociale, ku shprehin mirënjohjen e thellë ndaj të gjithë atyre që kontribuan:
Njoftim
Faleminderit nga zemra! 🙏❤️
Nuk ka fjalë që mund të përshkruajnë mirënjohjen tonë ndaj jush.
Shuma e kërkuar për 2 muaj trajtim është arritur!
Ju falënderojmë pa masë për mbështetjen, kontributin dhe dashurinë që keni treguar për vogëlushin tonë, Siarin.
Ju lutemi, mos e harroni Siarin në lutjet tuaja!
Me mirënjohje të thellë dhe falënderime të përzemërta,
Prindërit e Siarit
Lutemi që ditët e ardhshme të sjellin veçse përmirësim dhe gëzim për të dhe familjen e tij.
