Policia njofton se një person ka pësuar lëndime të rënda trupore kur është sulmuar fizikisht nga katër të tjerë. Rasti ka ndodhur në Gjilan, të enjten. Viktima është dërguar në Spitalin e Gjilanit, transmeton Plus Tv.
Të dyshuarit, që të gjithë të mitur, sipas autoriteteve të rendit, janë arrestuar.
“Rr. Gjem Topalli, Gjilan 25.04.2019 – 11:45. Janë arrestuar katër të dyshuar meshkuj K-Shqiptar (të mitur) pasi që të njëjtit kanë sulmuar fizikisht viktimën mashkull shqiptar”, thuhet në raportin 24- orësh të policisë.
Tutje, thuhet se viktima ka pësuar lëndime trupore dhe i njëjti është dërguar në Spitalin e Gjilanit.
“Me vendim të prokurorit njëri prej të dyshuarve dërgohet në mbajtje, ndërsa tre të tjerët lirohen në procedurë të rregullt”, përfundon njoftimi.
Nuk dihet motivi i kësaj përleshjeje./PlusTv/
