Edhe sot, në mungesë transparence për transmetim të seancave të Kuvendit Komunal, vendit të vetëm ku opozita ka mundësinë e debatit dhe diskutimit, dështoi seanca e Kuvendit Komunal në Gjilan.
Ne kemi kërkuar në vazhdimësi transparencë, në mënyrë që të njoftohen sa më shume qytetarët e komunës për ndodhitë në vendin tonë. Nuk ka asnjë hap drejt përmirësimit në këtë aspekt!
Komunë jotransparente, me probleme e abuzime qe kanë shkaktuar avari të rëndë.
Kjo gjendje ka emër dhe përgjegjesia i bjen të parit të ekezekutivit. Çdo ditë po e shohim se jemi pa kryetar por po mbetemi edhe pa administrator.
Ne jemi të gatshëm të diskutojmë për çdo çështje me rëndësi, me theks të veçantë për buxhetin komunal dhe bartjet buxhetore, andaj na mundësoni diskutimin dhe votimin për miliona euro që i nevojiten komunës sonë!
Asgjë më shumë se transparenca dhe ligjshmëria nuk po kërkojmë!
Grupi i Këshilltarëve të LDK-së në Gjilan,
