Vetëvendosje u themelua në vitin 2005, dhe zyrtarisht mori pjesë në zgjedhje për herë të parë në vitin 2010.
Vetëvendosje është partia më e madhe politike në Kosovë, duke fituar 58 vende në zgjedhjet parlamentare të vitit të kaluar, së bashku me ‘Guxo’ të Vjosa Osmanit.
Për këtë përvjetor kryetari i Gjilanit, Alban Hyseni, i cili edhe vjen nga radhët e kësaj partie tha se kaluara e jonë si udhërrëfim për të ardhmen. Barazinë, drejtësinë, ndershmërinë, sakrificën dhe angazhimin t’i kemi përherë parime të punës sonë të përbashkët
Shkrimi i plotë:
17 vjet Lëvizja VETËVENDOSJE!
Më 12 qershor të vitit 2005, u themelua organizata politike që u bëri ballë shumë sfidave dhe ndryshoi rrjedhën e proceseve politike në vend.
Në 17 vjetorin e themelimit të Lëvizjes kujtojmë aktivistët: Mon Balaj, Arben Xheladinin, Astrit dhe Arbënor Deharin të cilët nuk janë më në mesin tonë por që me aktivizmin dhe sakrificën e tyre lanë gjurmë të përhershme.
Le të na shërbejë e kaluara e jonë si udhërrëfim për të ardhmen. Barazinë, drejtësinë, ndershmërinë, sakrificën dhe angazhimin t’i kemi përherë parime të punës sonë të përbashkët.
Të gjithë aktivistëve, anëtarëve dhe mbështetësve, urime ditën e themelimit të Lëvizjes VETËVENDOSJE!
