Refuzimi i liderit sirian për të bërë shtrëngim duarsh gjatë një vizite në Damask këtë javë ishte i parashikueshëm, tha Ministrja e Jashtme e Gjermanisë, Annalena Baerbock.
Incidenti megjithatë shkaktoi një debat të fuqishëm në internet mbi protokollet globale të përshëndetjes politike, si dhe etiketën “skandal shtrëngimi duarsh” nga e përditshmja gjermane Bild, pasi partnerit të Baerbock në udhëtim, ministrit të Jashtëm francez Jean-Noël Barrot, iu ofrua një shtrëngim duarsh.
“Ndërsa udhëtova këtu, ishte e qartë për mua se padyshim nuk do të kishte shtrëngime të zakonshme duarsh,” u tha Baerbock të premten para mediave, transmeton gazeta online Reporteri.net.
“Por ishte gjithashtu e qartë se jo vetëm unë, por edhe ministri i jashtëm francez nuk e ndanë këtë pikëpamje. Dhe në përputhje me rrethanat, ministri i Jashtëm francez nuk i zgjati duart”, theksoi ajo.
