Ligji i ri për Rregullat në Trafik, gjoba të ashpra për shkelësit – 150 euro për mosvendosje të rripit të sigurisë

Gjatë kësaj jave në Kuvendin e Kosovës ka kaluar në shqyrtim të dytë Projektligji për rregulla të reja në trafik.

- Advertisement -

Ministri i Infrastrukturës, Liburn Aliu, gjatë ditës së djeshme ka shkruar se nëpërmjet këtij ligji do të ashpërson dënimet për shkeljet në trafik.

Ai ndër të tjera tha se parashihet edhe rrija e shumës për gjobat në trafik, shkruan gazeta online Reporteri.net.

E kryetarja e Komisionit Parlamentar për Mjedis, Fitore Pacolli, ka dhënë më shumë detaje rreth këtij Ligji. Ajo ka sqaruar se Ligji i ri për Rregullat në Trafik është inicuar nga deputetët e Komisionit për Mjedis me rekomandim të Policisë së Kosovës dhe është hartuar në bashkëpunim të ngushtë me Policinë e Kosovës dhe Ministrinë e Mjedisit dhe Planifikimit Hapësinor.

- Advertisement -

Pacolli ka shkruar se ndryshimet në rregulla dhe gjoba janë bërë me qëllimin që të rritet siguria në trafik dhe të ulet numri i aksidenteve e sidomos të atyre me fatalitet.

Pacolli ka thënë se janë përshkallëzuar gjobat për tejkalim të shpejtësisë por përveç gjobave shkelësve do t’i shqiptohen pikë negative dhe do t’i ndalohet drejtimi i mjetit për një kohë të caktuar. Gjoba për mosvendosjen e rripit të sigurisë pritet të jetë 150 euro. Gjoba më të ashpra po ashtu parashihen edhe për përdorim të telefonit gjatë vozitjes.

Postimi i plotë:

Nëse e përdorim telefonin gjatë vozitjes

100 euro dhe një pikë negative nëse shkelja është për herë të parë;

200 euro, masa e ndalimit të drejtimit të mjetit për 3 muaj dhe 2 pikë negative nëse shkelja është për herë të dytë;

500 euro, ndalim i drejtimit të mjetit për 6 muaj dhe 3 pikë negative nëse shkeljen e përsërisim për herë të tretë.

Personi i cili drejton mjetin pa e fituar të drejtën për të drejtuar mjetin

i merret e drejta t’i nënshtrohet provimit për patentë-shofer për 1 vit nga data e shqiptimit të dënimit dhe dënohet me gjobë prej 500 deri në 1500 euro;

Ndalohen garat e shpejtësisë:

brenda zonës urbane dënohet me gjobë prej 500 euro, i shqiptohen 3 pikë negative dhe i ndalohet drejtimi i mjetit për 6 muaj shoferit që vepron në kundërshtim me ligjin;

jashtë zonës urbane dënohet me gjobë 300 euro, 2 pikë negative dhe ndalimi i drejtimit të mjetit për 3 muaj shoferit që vepron në kundërshtim me ligjin;

Shoferi që posedon patentë shofer nga një vend i huaj nëse ka bërë shkelje nuk i lejohet hyrja në territorin e Rrepublikës së Kosovës derisa nuk i paguan dënimet për kundërvajtje;

Janë përshkallëzuar gjobat për tejkalim të shpejtësisë por përveç gjobave shkelësve do t’i shqiptohen pikë negative dhe do t’i ndalohet drejtimi i mjetit për një kohë të caktuar;

Gjoba që do të marrim për mos vendosjen e rripit të sigurisë është 150 euro;

Biçiklisti dhe shoferi i trotinetit nën moshën 16 vjeç obligohen të mbajnë helmetë në të kundërtën dënohen me 100 euro;

Trotinetin nuk lejohet ta drejtojnë personat nën moshën 16 vjeç në të kundërtën prindi apo kujdestari dënohen me 100 euro ndërsa qiradhënësi i trotinetit dënohet me 200 euro;