Kryetari i Degës së Lidhjes Demokratike të Kosovës në Gjilan, Lutfi Haziri, ka reaguar pas zhvillimeve të fundit zgjedhore në komunë, duke bërë thirrje për unitet dhe besim ndaj kandidatit të LDK-së, Arbër Ismajli.
Në një deklaratë të publikuar në rrjetet sociale, Haziri thekson se qytetarët e Gjilanit po vendosin për “një raund të ri besimi përmes votës”, duke apeluar që të mos përsëriten “katër vitet e humbura”.
Statusi i plotë:
Arbëri dhe armata e njerëzve të LDK-së trashëgojnë gjenet e dashnisë për Gjilanin, familjen, atdheun e Zotin
Gjilani ka vendosur për një raund të ri besimi përmes votës. Përtej LDK-së, partitë që garuan po ia japin besimin Arbërit. Qytetarët e duhet t’i besojnë dhe t’i japin mundësi.
Katër vitet e humbura mos lejoni që të bëhen dekadë e humbur për Gjilanin. Ju lutem, mos lejoni të stërkeqet edhe më tutje qyteti ynë, mos lejoni që ky vend të stagnoj edhe më tutje.
Ju i keni provuar, i njihni mirë, me ta nuk ka zhvillim, por ka veç stagnim. Ata nuk e kanë dijen, nuk e kanë vullnetin e as kapacitetin e Arbërit dhe LDK-së, si besë dhe shpresë për Gjilanin.
Ata që po tentojnë të mbjellin defetizëm, nuk do t’ia arrijnë qëllimit sepse Gjilani njihet si qytet i kryengritësve më të mëdhenj për lirinë e shqiptareve, dhe për rebelim politik sa herë që rrezikohet familja, prona, e ardhmja.
Arbëri dhe armata e njerëzve të LDK-së trashëgojnë gjenet e dashnisë për Gjilanin, familjen, atdheun e Zotin.
Ne e duam Gjilanin më shumë se partinë!
#113 #LDK
