Lidhja Demokratike e Kosovës mbajti sot një tubim madhështor në Gjilan, ku mijëra qytetarë u mblodhën për të përkrahur kandidatin për kryeministër, Lumir Abdixhikun, dhe kandidatët për deputetë nga kjo parti.
Lutfi Haziri, i cili garon me numrin 4 në listën e LDK-së, shprehu mirënjohjen e tij për mbi 8,000 mbështetës, duke e cilësuar këtë manifestim si më të madhin politik të mbajtur ndonjëherë në qytet.
Ai theksoi angazhimin për të vazhduar rrugën e presidentit historik, Ibrahim Rugova, dhe për të mbrojtur projektet zhvillimore të Gjilanit.
Statusi i plotë:
Faleminderim deri në përulje 8.000 rugovistëve të Gjilanit për Manifestimin më të Madh Politik ndonjëherë
Kështu, në mënëyrë madhështore, solemne e me plot dashni, siç dinë gjilanasit e mi, e mirëpritëm kryeministrin tonë në ardhje e mikun tim, Dr. Lumir Abdixhiku.
Ky është emocioni dhe vlerësimi më i madh që kam marrë ndonjëherë në fushatë elektorale dhe ky besim, mua dhe kolegët e mi, nuk na bënë më kryelartë, por, përkundrazi, më kokëulur, me angazhim e përgjegjësi edhe më të madhe në punë.
Ky ishte vizioni i presidentit tonë historik Ibrahim Rugova, të cilit i bëjmë homazh e i falënderohemi me përulje përjetë!
Zotohemi se do të jemi gardianë të projekteve zhvillimore të Gjilanit.
Do të mbetem gjithmonë, Lut4 Juaj!
