Kryetari i komunës së Gjilanit, Lutfi Haziri me fillimin e aplikimit të masave të fazës së dytë lehtësuese, ka folur për media.
Ai tha se po e përcjellin situatën, ndërsa vlerëson se qeveria duhet të vlerësojë hapjen e gastronimisë dhe qendrave tregtare, transmeton Indeksonline.
“Është ba e lodhshme dhe vetëizolimit e apelet, por që është e vetmja mënyrë. Të drejtat tona në kuptimin e vendimmarrjes kufizohen, për shkak të pandemisë dhe rolit si komunë, pasi që liria dhe ekonomia përgjegjësi e qeverisë.
Sot ka nis mu zbatu faza e dytë, po e përcjellin në veçanti gastronominë edhe pse s’është bërë ndonjë lehtësim për ta, pasi që ata kanë shërbyer përmes porosive dhe më herët.
E vetmja gjë që vërehet në Gjilan sot është lëvizja 2 orëshe e qytetarëve.
Gastronomia dhe qendrat tregtare duhet të vlerësohen për hapje, sepse e kemi dëshmu që jemi të gatshëm ta përballojmë një fluks të madh të daljes”, tha Haziri.
Ai tha gjithashtu se ka ardhë koha e vlerësimit edhe për hapjen e kufijve.
“S’mund të jetojmë në pritje se kush, cila familje, cili individ a nga erdhi infeksioni. Kjo sëmundje është e pabesë, ende duhet kujdes. Duhet t’i përmbahemi masave mbrojtëse, mos shko mysafir e as mos prano mysafirë deri sa të mbyllet pandemia”.
