Kandidati për deputet nga LDK me numër 4, Lutfi Haziri, ka vlerësuar suksesin e kompanisë “Albimi LTD” dhe brendit të saj “Pilot Bike”, e cila tashmë ka pushtuar tregun europian me cilësinë e lartë të biçikletave të prodhuara në Kosovë.
Gjatë një takimi Haziri ka theksuar rëndësinë e mbështetjes institucionale për bizneset vendore, duke premtuar se me fitoren e LDK-së më 9 shkurt, shteti do të krijojë lehtësira për sektorin privat dhe do të sigurojë përkrahje maksimale për sipërmarrësit.
Ai gjithashtu ka ftuar qytetarët në manifestimin politik të 6 shkurtit, ku pritet të prezantohet programi ekonomik i LDK-së.
Statusi i plotë:
“Albimi LTD”, me brendin e tyre, janë bërë krenaria e Gjilanit dhe e Kosovës.
Ndihemi të lumtur që “Pilot Bike”, e cila merret me prodhimin dhe shitjen e biçikletave, tashmë ka pushtuar tregun europian me cilësinë e lartë.
Përgëzime për sukseset e arritura pronarit Ibrahim Krivaqa, dhe bashkë me kandidatët për deputetë nga Gjilani, në krye me Lumir Abdixhikun, kryeministrin në ardhje, do të kujdesemi që të ketë përkrahje maksimale të shtetit ndaj sektorit privat, duke krijuar lehtësira për operim
sa më të suksesshëm. Ndryshimi i madh me LDK-në po vjen më 9 shkurt.
Manifestimin e madh politik e bëjmë bashkë më 6 shkurt, në orën 18:00, në bulevardin “Ibrahim Rugova” dhe sheshin “Rexhep Mala e Nuhi Berisha”.
