Kandidati për deputet nga Lidhja Demokratike e Kosovës (LDK), Lutfi Haziri, ka shprehur mirënjohjen e tij për mbështetjen e jashtëzakonshme nga banorët e Zhegrës dhe Grykës së Karadakut, të cilët, sipas tij, kanë vulosur rikthimin e madh të LDK-së më 9 shkurt.
Haziri e cilësoi këtë përkrahje si një vazhdimësi të traditës dhe vlerave që kanë mbajtur gjallë kauzën për liri dhe zhvillim, duke përmendur figurat historike si Idriz Seferi, Agim Ramadani, Shaban dhe Sami Ukshini.
Ai u zotua se do të mbetet gjithmonë në shërbim të qytetarëve, duke theksuar se 9 shkurti do të jetë dita e fitores së madhe për LDK-në.
Statusi i plotë:
Zhegra me Grykën e Karadakut, vulosin rikthimin e madh të LDK-së më 9 shkurt.
Faleminderit deri në përulje për këtë mbështetje kaq masive ndaj kryeministrit në ardhje, Lumir Abdixhiku dhe listës së LDK-së, vatrës së kolosëve e kryengritësve më të mëdhenj për lirinë e shqiptarëve, Idriz Seferi e Agim Ramadani, sikurse edhe Shaban e Sami Ukshini.
Do të mbetem gjithmonë, Lut4 Juaj!
