Ballkani ka bërë historinë në Ligën e Konferencës, derisa në sfidën e tretë të fazës grupore ka arritur fitore ndaj Sivassporit.
Kampioni në transfertë mori vetëm një fitore me shifra 4:3 në stadiumin “Yeni Ejlul”.
Ballkani e nisi shumë keq ndeshjen ndaj Sivassporit. Skuadra turke kaloj në epërsi që në minutën e parë, saktësisht pas 32 sekondave. Fredrik Ulvestad shënoi nga zona pas ndërhyrjes së zbehtë të mbrojtjes së Ballkanit.
Por gjërat u kthyen në të mire të portokallizinjëve, pasi në minutën e 20-të barazuan shifrat në 1:1. Armend Thaqi shënoj një supergol për ta barazuar rezultatin në ndeshjen e Ballkanit ndaj Sivassporit.
Megjithatë me kaq nuk përfundoj kjo ndeshje fantastike e skuadrës nga Suhareka. Portokallizinjtë në minutën e 31-të, kaluan në epërsi. Arbër Potoku ka shënuar nga afërsia, pas një asistimi të Ermal Krasniqit.
Pjesa e dytë nisi edhe më mire për Ballkanin. Në minutën 66-të, Ballkani shënoi golin e tretë. Për 3:1 shënoi Meriton Korenica, pas një bashkëveprimi me Armend Thaqin ishte mjeshtëror.
Skuadra turke me pas arriti të barazoi shifrat në 3:3. Së pari ngushtuan epërsinë me Erdogan Yesilyurt në minutën e 75-të. Erdogan Yesilyurt realizoi edhe njëherë tjetër për të barazuar rezultatin në 3:3 në minutën e 91-të.
Tre minuta me vonë Ermal Krasniqi shënoi golin e karrierës. Krasniqi i shumë kritikuar realizoj në minutën e 94-të për fitoren e parë të skuadrës së tij në Ligën e Konferencës.
